Hielke Nauta (Toppenhuzen, 20 july 1932 - Assen, 30 augustus 2020) wie in Nederlânsk politikus fan de CHU en letter it CDA.
Nauta begûn yn 1951 as folontêr op de gemeentesekretary fan Doanjewerstâl en wurke dêrnei by de gemeenten Eastdongeradiel, Raarderhim en Snits, foar't er ein 1961 oerstapte nei de sekretary fan de gemeente Ljouwert, dêr't er haadkommys op de ôfdieling Kabinet en Algemiene Saken wie. Op 1 jannewaris 1964 waard er de gemeentesekretaris fan Dokkum, wat er oant 1969 bliuwe soe doe't er dosint en direkteur waard fan de Bestjoersskoalle Fryslân yn Ljouwert. Yn 1978 kaam er yn de gemeenteried fan Ljouwert en waard fuortendaliks wethâlder. Hy joech it direkteurwêzen oer, mar bleau wol dosint. Yn septimber 1983 waard Nauta boargemaster fan Beilen. Yn 1993 wie er njonken dat ek waarnimmend boargemaster fan Smilde. Yn augustus 1997 koe er mei pinsjoen, mar om't de gemeente Beilen op 1 jannewaris 1998 opgean soe yn de nije gemeente Middenfjild (letter omneamd ta Midden-Drinte) bleau er noch oan as waarnimmend boargemaster oant de gemeentlike weryndieling.
Nauta stoar yn 2020 yn de âldens fan 88 jier.Voormalig burgemeester Hielke Nauta van Beilen is overleden, DvhN, 5 septimber 2020.Overlijdensadvertentie, Dagblad van het Noorden
Kategory:Frysk amtner Kategory:Frysk ûnderwizer Kategory:Frysk politikus Kategory:Gemeenteriedslid fan Ljouwert Kategory:Wethâlder fan Ljouwert Kategory:Nederlânsk boargemaster Kategory:CHU-politikus Kategory:CDA-politikus Kategory:Persoan berne yn Toppenhuzen Kategory:Persoan berne yn 1932 Kategory:Persoan stoarn yn 2020