Mount Hope is en Mount Hope (Antarctica) in dat Geographic Names Information System von’n United States Geological Survey hogen Barg in de Ross Dependency, Oostantarktika. He liggt an de Shackleton-Küst an de Münn von’n Beardmore-Gletscher in dat Ross-Schelfies. Opdeckt worrn is he an’n 2. Dezember 1908 von en Veer-Mann-Grupp üm’n brietschen Polarforscher Ernest Shackleton, as se bi de Nimrod-Expeditschoon (1907–1909) versöcht hebbt, na’n geograafschen Süüdpool to kamen.
Shackleton un siene Lüüd sünd annern Dag op’n Barg ropkladdert un hebbt hööpt (engelsch: hope), „[…] en [beteren] Indruck von de Landschop ümto to kriegen“„[…] to gain a view of the surrounding country“, Shackleton, The Heart of the Antarctic. Band I. 1909, Sieden 304–305 () un en Route för’n Weg na Süden dör de Transantarktischen Bargen to finnen. Düt Höpen hett slumpt, nadem se von Mount Hope ut den Beardmore-Gletscher un den Togang över dat Gateway opdeckt hebbt. Shackleton un sien Lüüd sünd bet na dat Polarplateau kamen, man müssen op’n Weg na’n Süüdpool üm un bi 180 km vör’n Ennpunkt von de Reis von wegen slechte Utrüstung, opbruukte Vorrääd un mehr un mehr Slappheit ümdreihn.
Dree Johr later hett de brietsche Polarforscher Robert Falcon Scott bi siene Terra-Nova-Expeditschoon (1910–1913) desülve Route wählt. He un de veer Lüüd, de bi em weren, sünd bet na’n Süüdpool kamen, man sünd op’n Weg trügg doodbleven.Tyler-Lewis, The Lost Men. 2007, Sied 146.
Literatur Ernest Shackleton: The Heart of the Antarctic. William Heinemann, London 1909, Band I: un Band II: Kelly Tyler-Lewis: The Lost Men. The Harrowing Story of Shackleton’s Ross Sea Party. Bloomsbury, London 2007, ISBN 978-0-7475-7972-4. R. L. Oliver et al.: Antarctic earth science. Cambridge University Press, Cambridge 1983, ISBN 0-521-25836-7.
Weblenken
Mount Hope op geographic.org (engelsch)
Footnoten
Kategorie:Barg in de Transantarktischen Bargen Kategorie:Shackleton-Küst Kategorie:Ross Dependency